Գրանցվելով Հայաստանում 2022թ․ դեկտեմբերին որպես անկախ, շահույթ չհետապնդող հիմնադրամ՝ մենք աշխատում ենք վերոնշյալ առաքելության համար՝ հավատարիմ մնալով բաց հասարակության արժեքներին ու գաղափարներին: Մեր ջանքերն ուղղված են աջակցելու ժողովրդավարության կողմնակիցներին և ստեղծելու ընդհանուր արժեքների ու փորձի վրա հիմնված գործընկերություններ:

Հիմնադրամն ունի բացառիկ դեր քաղաքացիական հասարակության կազմակերպությունները համախմբելու և նրանց աշխատանքն ու ջանքերը համակարգելու գործում՝ այդպիսով զարգացնելով ՔՀԿ-ների ամուր դաշինքները՝ ի շահ Հայաստանի քաղաքացիների։

Մենք իրականացնում ենք մեր ռազմավարությունը մեր ծրագրերի, գործընկեր կազմակերպություններին տրամադրվող դրամաշնորհների և արտաքին ֆինանսավորման ապահովման միջոցով, որը ներառում է նաև ենթադրամաշնորհներ:

Մենք անվճար հասանելիություն ենք ապահովում կենսական նշանակություն ունեցող թվային ենթակառուցվածքներին քաղաքացիական հասարակության կազմակերպությունների և աշխարհի տարբեր անկյուններում տուժած բնակչության համար։ Կենսական նշանակություն ունեցող թվային ենթակառուցվածք ասելով մենք հասկանում ենք բաց կոդով թվային գործիքների այն ամբողջությունը, որոնք ռազմավարականորեն ինտեգրված են գլոբալ խնդիրների լուծմանը միտված էկոհամակարգերում և մշտական հիմունքներով հասանելի են քաղաքացիական հասարակությանը։

ՓՀԷԽ-ը արտակարգ իրավիճակների պայմաններում տրամադրում է հրատապ մարդասիրական աջակցություն՝ միաժամանակ օգնելով մարդկանց երկարաժամկետ հեռանկարում վերականգնել իրենց կենսապահովման միջոցները։ Հիմնադրված լինելով 2000 թվականին՝ ներկայումս ՓՀԷԽ-ը դարձել է Բալթյան տարածաշրջանի ամենախոշոր մարդասիրական կազմակերպությունը։

ՓՀԷԽ-ի հայկական մասնաճյուղը հիմնադրվել է 2023 թվականին՝ հասցեագրելու Լեռնային Ղարաբաղից տեղահանված բնակչության մարդասիրական և տնտեսական կարիքները։ Մեր գործունեության հիմնական ծրագրային ուղղություններն են հրատապ մարդասիրական աջակցության տրամադրումը, տնտեսական վերականգնումը, պաշտպանությունն ու հզորացումը։ Փախստականներին տրվող բազմակողմ աջակցությունից զատ, կազմակերպությունն իրականացնում է նաև բնապահպանական-կրթական ծրագրեր՝ ուղղված կանաչ տնտեսության խթանմանն ու էստոնական նորարար փորձառությունը Հայաստանում ներդնելուն։

Ստեղծման օրվանից Կոալիցիան կարևոր դեր է  ունեցել հասարակական դիսկուրսի ձևավորման և պետական քաղաքականության վրա ազդելու գործում: Կոալիցիան մշակել է ավելի քան 30 վերլուծական հետազոտական զեկույցներ, որոնք ներառում են այնպիսի կարևոր ոլորտներ, ինչպիսիք են խտրականությունը, ատելության հանցագործությունները, կանանց և աղջիկների իրավունքների պաշտպանությունը, կանանց նկատմամբ բռնությունը, սեռական և վերարտադրողական առողջությունը և իրավունքները, սեռով պայմանավորված հղիության արհեստական ընդհատումները, առողջապահությունն ու դատական պրակտիկան։

Ընդդեմ կանանց նկատմամբ բռնության կոալիցիայի առաքելությունն է նպաստել կանանց շահերի և իրավունքների իրացմանը, ջանքերի համախմբմամբ ՝ գենդերային հիմքով բռնության համակարգային հաղթահարման միջոցով:

Կոալիցիայի գործունեության հիմքում հետևյալ արժեքներն են՝

• Հավասարություն, համերաշխություն և սոցիալական արդարություն:

• Հասարակության բոլոր խմբերի նկատմամբ խտրականության բացակայություն և հանդուրժողականություն:

• Մարդու իրավունքների և ժողովրդավարական արժեքներ:

Կոալիցիայի տեսլականն է ունենալ արդար, ներառական, խաղաղ հասարակություն, որտեղ բոլոր կանայք ապրում են արժանապատիվ և ազատ։