Եթե քեզ անհրաժեշտ են լրացուցիչ մասնագիտական գիտելիքներ գործատուի առաջարկած աշխատանքն իրականացնելու համար, ապա ծրագրի առաջին բաղադրիչը քեզ համար է։ Այս բաղադրիչով կարող ես վերապատրաստվել կամ այն գործատուի մոտ, որը թափուր աշխատատեղ ունի կամ գործատուի կողմից առաջարկված այլ ուսումնական հաստատությունում։ Ուսման տևողությունը առավելագույնը 6 ամիս է, որի ընթացքում կստանաս կրթաթոշակ՝ ամսական 50․000 դրամի չափով, և ամսական մինչև 50․000 դրամ՝ որպես ուսման վարձի փոխհատուցում։ Գործատուի մոտ քո ուսուցումը կազմակերպելու համար Միասինական սոցիալական ծառայության (ՄՍԾ) տարածքային կենտրոնի, գործատուի և քո միջև կնքվում է եռակողմ պայմանագիր։ Ուսուցումն ավարտելուց հետո դու աշխատանքային պայմանագիր կկնքես գործատուի հետ՝ առնվազն 3 ամիս ժամկետով, որի դիմաց գործատուին կտրամադրվի աջակցություն՝ ամսական մինչև 50,000 դրամի չափով, որպեսզի նա վճարի քո աշխատավարձից գոյացած հարկերն ու սոցիալական վճարները։

* Գործատուների և թափուր աշխատատեղերի մասին կարող ես տեղեկանալ տարածքային ՄՍԾ գրասենյակներից, հասցեներն ու հեռախոսահամարները տես այստեղ։

Եթե դու ունես մասնագիտական գիտելիքներ, սակայն չունես բավարար աշխատանքային փորձ, ապա կարող ես օգտվել այս տարբերակից։ Այս բաղադրիչի  շրջանակում կարող ես վճարովի աշխատանքային պրակտիկա անցնել նախընտրելի գործատուի մոտ։ Դրա համար պետք է այցելես Միասնական սոցիալան ծառայության (ՄՍԾ) տարածքային կենտրոն, որտեղ քո, գործատուի և ՄՍԾ կենտրոնի միջև կկնքվի եռակողմ պայմանագիր։ Այս պայմանագրից բացի գործատուն օրենսդրությամբ սահմանված կարգով քեզ հետ պետք է կնքի նաև նորմալ աշխատաժամանակի ռեժիմով (մեկ դրույքով) աշխատանքային պայմանագիր՝ առնվազն 6 ամիս ժամկետով։ Առաջին 3 ամիսների ընթացքում դու ձեռք կբերես աշխատանքային փորձ և կստանաս աշխատավարձ՝ 122.600 ՀՀ դրամի չափով։ Այդ նույն ժամանակահատվածի համար գործատուին կտրամադրվի ամսական 165,000 դրամ՝ փոխհատուցելու քո աշխատավարձն ու դրանից գոյացած հարկերն ու սոցիալական վճարները։ Աշխատանքային փորձի ձեռքբերումից հետո կշարունակես գործատուի մոտ աշխատանքը ևս 3 ամիս, որի համար գործատուն ինքնուրույն կվճարի քո աշխատավարձը և կստանա աջակցություն ամսական մինչև 50,000 դրամի չափով՝  քո աշխատավարձից հաշվարկվող հարկերն ու սոցիալական վճարները կատարելու համար։

* Գործատուների և թափուր աշխատատեղերի մասին կարող ես տեղեկանալ տարածքային ՄՍԾ գրասենյակներից, հասցեներն ու հեռախոսահամարները տես այստեղ։

Եթե դու չունես մասնագիտական գիտելիքներ, բավարար հմտություններ ու աշխատանքային փորձ՝ որևէ ոլորտում աշխատանք գտնելու համար, ապա կարող ես դիմել ծրագրի երրորդ բաղադրիչին։ 

Այս բաղադրիչի շրջանակում առաջին փուլով կկազմակերպվի քո մասնագիտական ուսուցումը ինչպես գործատուի մոտ, այնպես էլ գործատուի կողմից առաջարկվող ուսումնական հաստատությունում։ Ուսուցումը կարող է տևել մինչև 6 ամիս։ Այդ ընթացքում քեզ կտրամադրվի կրթաթոշակ՝ ամսական 50․000 դրամի չափով և ամսական առավելագույնը ևս 50,000 դրամ՝ որպես ուսման վարձի փոխհատուցում։

Ուսուցումն ավարտելուց հետո գործատուն քեզ հետ աշխատանքային պայմանագիր կկնքի առնվազն 6 ամիս ժամկետով։ Առաջին 3 ամիսների ընթացքում դու ձեռք կբերես աշխատանքային փորձ և կստանաս աշխատավարձ 122.600 ՀՀ դրամի չափով, նույն ժամանակահատվածի համար գործատուին կտրամադրվի ամսական 165,000 ՀՀ դրամ՝ որպեսզի վճարի քո աշխատավարձն ու դրանից հաշվարկվող հարկերն ու սոցիալական վճարները։ 3 ամիս անց՝ աշխատանքային փորձի ձեռքբերումից հետո, կարող ես շարունակել գործատուի մոտ քո աշխատանքը, որի դիմաց գործատուն քեզ կշարունակի աշխատավարձ վճարել արդեն սեփական միջոցների հաշվին։ Գործատուին կտրամադրվի ամսական առավելագույնը 50,000 դրամի չափով աջակցություն՝ քո աշխատավարձից հաշվարկվող հարկերի ու սոցիալական վճարների փոխհատուցման նպատակով։ Գործատուի և քո միջև կնքված աշխատանքային պայմանագիրը մինչև սահմանված ժամկետի լրանալը լուծարելու դեպքում գործատուն պարտավորվում է պետությանը վերադարձնել քո կրթաթոշակի/ուսման վարձի կամ որպես աշխատավարձ վճարված գումարը։

* Գործատուների և թափուր աշխատատեղերի մասին կարող եք տեղեկանալ տարածքային ՄՍԾ գրասենյակներից, հասցեներն ու հեռախոսահամարները տես այստեղ։